Das Kleidungsproblem

Wahnsinn, is heut scho so spät, hä? Da derf i mi schi langsam umziehn.

Was könnt i denn heut no grad oziehn, hä? Was ziag i denn heut no grad o? Der ganze

Schrank hängt voller Zeug, aber nix is dabei, wos i oziehn ko.

Woast, immer des schwarze Sacco und immer den schwarzen Pulli dazu, da schau i aus wia a Pfarrer.

Mei, oi die Hosen, die i allerweil trag, aber wos ziag i sonst für a andere o, weil die andern alle ned sitzen? Des Einzige wär die Plastikhosen, aber die is im

Winter koit und im Sommer, und im Sommer muas ma schwitzen.

Bei de Schuh hab i wenigstens koa Problem, da hab i ned so vui Auswahl.

Da ziag i die o, die i immer trag, da brauch i ned lang überlegen. Etz sag halt, wos soll i denn oziehn, hä?

Sag, wos ziag i denn o? Wos ziag i denn o?

Irgendein Farbtupfer, des wär recht, ned immer goar so schwarz.

I woas ned, die anderen, die tun si so leicht, die ziehn einfach irgendwas o und schauen gut aus.

Und i? I hab immer desselbe dro und hab nia wos, wenn i wos brauch.

Etz schau halt amoi her! Wos sagst denn da dazu? Is des wos, wenn i bei dera Jacken an

Reißverschluss auflass? Etz sag halt, is des schee?

Vielleicht no an bunten Schal dazu. Sag, kann ma do so geh?

Aber da schau her, da hängt wos oba, vielleicht schneid i des einfach weg. I find, dass der Krang so komisch fallt. Und wenn i den

Krang einfach aufstell? Aber des schaut a ned besser aus.

Des macht irgendwie so alt. Gell, des schaut irgendwie so ältlich aus. Da, die Jackn, die hätt i no.

Etz sag halt, is die guad? Die hab i amoi in Amerika kauft.

Soll i a Hemd dazu oziehn und vielleicht no an Hut? Na, des schaut einfach lächerlich aus.

Du, i glaub, i bleib dahoam. I hab einfach nix Gscheids. So geh i ned aus'm Haus.

Ned, dass am Schluss no hoast: "Der schaut vielleicht verperlt aus.

" Do bleib i lieber dahoam.

Do hat's halt a echter Bayer guad, der ziagt sei Lederhosn o und braucht ned lang überlegen. Verstehst? Ha! Etz glaub i, woaß i, wos i tua.

I sitz mei Sonnenbrill auf und häng ma an künstlichen Bart ins Gsicht, dann kennt mi wenigstens niemand und damit is a Ruhe. Verstehst?

Dann is des nämlich wurscht, wos i ohab.

Ja, des is a guade Idee. Ja, des is schee. Gell, des is a guade Idee. Auf alle

Fälle, so kann ma geh.

Dann moanen's zwoa, i bin ned kemma, weil mi ja koana kennt, aber trotzdem war i do.

Aber eigentlich brauchat i dann a ned hingeh.

Du, i glaub, i bleib so und bleib dahoam.

Dann brauch i do ned hingeh. Gell, des is schee. Ja, des is a guade

Idee.